Entradas para conciertos del gaitero Carlos Núñez – Gira Lugares Máxicos

Carlos Núñez encherá de maxia a praza da Colexiata do Sar na tradicional cita co público de Santiago. Un concerto para os de fóra e os de aquí en pleno corazón de Galicia. Para sentir Santiago desde dentro.

O Parador de Baiona é un dos emprazamentos máis agardados da xira. Dende as murallas medievais do seu castelo gozaremos dun dos solpores máis espectaculares do mundo, entre as Illas Cíes e Monteferro.

Máis ca un concerto será toda unha experiencia e unha viaxe no tempo. Déixate envolver por unha das acústicas máis extraordinarias de toda a xira de Lugares Máxicos no Mosteiro Cisterciense de Oseira.

Este verán déixate levar pola maxia da música celta de Carlos Núñez no incomparable entorno do Pazo Baión, onde a historia, o viño e a beleza do corazón do Salnés se funden nunha noite inesquecible.

Vive unha noite máxica coa música de Carlos Núñez no escenario único do Castelo de Salvaterra de Miño — tradición, emoción e beleza á beira do rio que une Galicia e Portugal — .

O Pico Sacro é un dos lugares máis máxicos de Galicia, cuxas lendas están a ser estudadas polos arqueólogos. Lendas de carácter solar, céltico, como a que fala dun cabalo branco que se despraza polo ceo ou a traslación celeste do «Camiño de Santiago», que marcaba a Vía Láctea como camiño ao Mais Alá según a tradición celta. Preparádevos para vivir un concerto único e irrepetible na montaña que compite coas mismísimas torres da catedral de Santiago.

En Marín, onde gravamos o fermoso vídeo da Danza de Espadas nunha das súas praias paradisíacas, disfrutaremos dunha noite moi especial na marabillosa Finca de Briz. O día 31 de xullo espérannos unha aventura profundamente mariñeira.

O concerto de Lugares Máxicos máis agardado da contorna de Vigo. Un paraíso natural ó carón do mar, fronte ás propias Illas Cíes, cun dos mellores solpores do mundo!

No impresionante Claustro Barroco do Mosteiro de San Salvador celebramos un dos concertos máis agardados da xira Lugares Máxicos, no que Celanova, coñecida como “a Viena de Galicia”, se converte en punto de encontro de amigos e amigas de medio mundo.

Pura maxia do Románico leonés. Dende que tivemos a honra de facer o primeiro concerto da “era moderna” no seu interior, este lugar converteuse para nós nunha das citas máis especiais do verán.

Desde que a descubrimos grazas a unha fermosa melodía de dulzainas, converteuse no noso punto de encontro anual, onde nos xuntamos cos nosos amigos e amigas de toda a zona de Salamanca.